Eg lever i unge hjarta

Eg lever i unge hjarta for alltid.

Fånyttes trugar dei meg på livet,

dei gamle knarkar og arge toskar:

mitt liv har tusen på tusen røter.

Det er ikkje kvar mann gitt å få eige

ein evig ungdom av heilage opprør,

lengsel og tru. Berre den som lever

eit blodfullt liv, i røyndom og sanning.

Ja, eg skal leve, leve og sigre,

eit stort og smerteleg liv gav meg retten.

Hån og skitord skal ikkje nå meg,

for eg er verna av unge hjarta.

Min lagnad er alt den evige bløming.

Fånyttes trugar dei meg på livet,

heilag er det og hardt som ei kiste.

Men det er blømande liv, det er evig.